Facebook

Vrijheid is een kostbare erfenis ... See MoreSee Less

Sinds mensenheugenis [4]

Sinds mensenheugenis [4]

In aanloop naar het School- en Volksfeest 2020 vragen we inwoners van de schoolkring om hun herinneringen aan voorgaande edities met ons te delen. Dit keer is het woord aan Rika Lubbers. Zij is met haar gezin woonachtig geweest op de Boerhaarshoeve en woont sinds een aantal jaren in Schoonloo. In navolging van Roelie Reinders, Esther Streuer en Mevrouw Oving deelt zij (hoe leuk: in het Drents) hierbij haar herinneringen aan het SVF.

Toen per mail bij mij binnen kwam, of ik een verhaoltie wol schrieven over een schoelfeest hier in Schloo, mus mien brein zich even terugplaotsen naar ongeveer 60 jaor leden.  En dat valt niet met! Dus deuk ik ok nog maor even in mien stark vergeelde fotoalbum.
Gelukkig har ik nog wat ”achterdeurties” waor ik even an kun kloppen um wat terug te denken an die tied. Wij hebt naomelijk een cluppie opricht met de naom Meiden oet Schloo. Wij komt ieder jaor bij mekaor en de leste tied heb wij geregeld contact via de App. Het waren Aaltje Lensing, Janny Dekker, Willy Hofsteenge, Zwaantje Mulder die mij hierbij hebt holpen.
 
Veural de foto’s brachten de herinneringen weer volop in beeld.
As ik nou de foto’s bekiek, denk ik wat een unschuldige schaopies waren wij toen. Mien kleindochter van 12, hef nou dus dezelfde leeftied, en zit op Instagram, maokt filmpies en foto’s op Snapchat en giet met heur pap en mam een hiele week skiën in Oostenriek. Dat was der bij oes niet bij in die tied. In de vekaansies mussen wij methelpen op de boerderij. Al moet ik wel toegeven dat wij nao oeze legere schoeltied ook veul inhoald hebt. Wij hebt de tied met had zo as dat heet.
 
Dan even over het schoelfeest van toen. Wij kunt oes der niet zo hiel veul meer van herinneren, wel dat het een hiel eind was op die waogen en ok wel een beetie kold.
De eerste waogen gung over oeze Korfbalclub WIK (Willen Is Kunnen). In mien fotoboek stiet het jaortal 1963. Bovengenuumde dames stunden op de waogen en Albert Lensing had de leidsels van het peerd, volgens mij een Belg van Hofsteenge, in de handen. De twee jonkies op de veurkaant waren Geert Lensing en Henk Hofsteenge (het jongere breurtie van Willy, die op jonge leeftied is overleden)
De vrouw op de foto achter de kinderwaogen was Dini Westerhof, zij was ien van de zigeuners. Op de achtergrond de Boerhaarshoeve , toen net weer opbouwd nao de eerste braand van 1956. De schoelkring was tot doar en dit was ok het keerpunt van de optocht.
 
De aandere foto’s waren denk ik van Hoofdstraat zuid, zoals ze dat gedeelte tegenwoordig nuumt. Op de foto Aorend Dekker, met leidsels in de haand, opa Geert Lensing, moeder Jantje Dekker en moeder Jobkie Lensing.  Te zien an de leeftied van de kinder denk ik dat dizze foto van 1958 was. De kinder waren denk ik van Lensing, Westerhof en Dekker.  Die femilies woonden tenminste in dizze straot.
 
Even terug in de tied. Nou gaot wij oes instellen op het kommende schoelfeest. Nou vanoet de schoel in Grol e.o. Ben erg beneid hoe het wordt.